Шрифт түри: Шрифт көлеми: Әлипбе:

ЙОЛ БОЛСУН (YOL BOLSUN)

Гүлгүн кийип, мәстан басып келән қыз,
Хабар бериң, пәрийзадым, йол болсун,
Жилўә билә шийрин жаным алан қыз,
Хабар бериң, пәрийзадым, йол болсун.

Түриңни мәңзерәм алғур лашына,
Шәўкет ушын сүрмә шекип қашыңа,
Зәрли руўмал, үки тақып башына,
Хабарың бер, пәрийзадым, йол болсун.

Ләбләриң пистәдәк, тишиң мәржанды,
Көрген ҳәйран, көрмегенге әрманды,
Ҳәр бир сөзиң дәртли қулға дәрманды,
Хабарың бер, пәрийзадым, йол болсун.

Қулақыңа тақып алтын сырғаны,
Минип көш алдына йүрмел-йорғаны,
Көрән болур ақ йүзиңниң қурбаны,
Хабарың бер, пәрийзадым, йол болсун.

Үстиңә кийгәниң бәшбәнт-падшайы,
Таўыс бир көйләкиң гүлгүн дәрайы,
Белбәўиң түрмәдән, зерли-қалайы,
Хабарың бер, пәрийзадым, йол болсун.

Қалем қашың, қара көзиң сүзилур,
Ақ сийнәңә тилла ҳәйкел тизилүр,
Йүзиңди көргенде бағрым езилүр,
Хабарың бер, пәрийзадым, йол болсун.

Ҳәр сөзиңде мың наз етип өлтүрмә,
Ғусса билән йурәкимни толтурма,
Ақыл болсаң, рәқибләрә билдурмә,
Хабарың бер, пәрийзадым, йол болсун,

Мен сәни сәўмишәм елдиң егәна,
Адыңны қылмадым йуртқа әшкара,
Қойдың мени әда болмас ҳижрана,
Хабарың бер, пәрийзадым, йол болсун.

Зийўар айтар биздиң дәўран өтәнди,
Ғапыллықта әрман болуб кетәнди,
Сени көрип яр қумары тутанды,
Хабарың бер, пәрийзадым, йол болсун.



Гезектеги ендиги бөлимге өтиў: ГӨЗЗАЛЛАР
Алдынғы бөлимге қайтыў: ЙОҚ МЕНИҢ
Китап Мазмунына қайтыў

Социал тармақларда бөлисиў

Егер сиз бул китаптың усы бөлимин унатқан болсаңыз, бул бетти төмендеги социал тармақлар арқалы досларыңыз бенен бөлисиўди умытпаң:

Қәте болған текст:
Дурысланғаны:
    Дурысланған текст серверге жиберилмекте...
Өзгерисиңиз қабыл етилди. Үлес қосқаныңыз ушын рахмет!
Кеширерсиз, серверде қандайдыр қәте жүз берди. Азмастан, және бир урынып көриң.