Шрифт түри: Шрифт көлеми: Әлипбе:

УЛЫЎМА ӨСИМЛИКЛЕРГЕ БАЙЛАНЫСЛЫ ДӨРЕГЕН ЖУМБАҚЛАР (ULIWMA ÓSÍMLÍKLERGE BAYLANISLI DÓREGEN JUMBAQLAR)

Қыс болса көкирек керип жалғыз турған,
Жаз болса қус базары сонда болған,
Қыстың күни жалаңаш, жазда липас,
Жайылып әлўан түрли сәнге толған.
Терек
Топыраққа тутасқан,
Үй алдына жарасқан.
Терек
Жазда кийинеди,
Қыста шешинеди.
Терек
Асан аға тикке түрды,
Балалары қол шаппатлады.
Терек
Үй қасында дыранша,
Дыранша сайын бир ақша.
Терек, жапырақлар
Жап бойында пәр төсек,
Майса шөп
Узын терек, иши геўек.
Қамыс
Өз елимде ер едим,
Түлки тумақ бег едим,
Қушаққа қыйылдым түстим.
Отыз еки дузаққа түстим.
Қамыс
Төребайдың төрт қызы,
Көлге барып қыйылды.
Қамыс
Буўын-буўын буўазақ,
Буўыннан да көл узақ,
Оба кийик териси,
Алтын қошқар мүйизи.
Қамыс
Таўда ыңылдар,
Суўда зықылдар.
Қамыс
Елимде жек едим,
Сары сақаллы бек едим,
Қысылдым қыспаққа түстим,
Отыз еки-дузаққа түстим.
Қамыстың баслаўы ший болыўы
Жасымызда жай едик,
Жийрен сақаллы бай едик,
Қысылдық, қыспаққа түстик.
Қамыс
Үй артында нар терек,
Гүреспеге адам керек.
Гүдили пишен
Дара-дара, дара болған,
Басы айырылып қара болған,
Қарыс жерине шаш шығып,
Ол да өзине пана болған.
Геўрек
Иши қызыл, сырты жасыл лалазар,
Шақасында бүлбүл қуслар сайрасар.
Қарамық
Тамыры бар, шақасы жоқ,
Қалпағы бар, гүли жоқ,
Мийўеси бар, дәни жоқ,
Дузлап қуўырып жейди.
Атын буның не дейди.
Замаррық
Түби бир, шақасы мың,
Шақырсаң таўдан асар.
Саңыраў қулақ
Таўлы жерде өседи,
Жылда гүллеп писеди,
Жақынлап кеткен адамлар,
Көрмесе де ийисинен сезеди.
Жуўсан
Алыстан қарасаң таўдай,
Қасына келсең жаўдай.
Шеңгел
Көшеримди жел билсин,
Қонарымды сай билсин.
Қанбақ


Гезектеги ендиги бөлимге өтиў: УСЛАП-ТУТҚАН ЗАТЛАРҒА БАЙЛАНЫСЛЫ ДӨРЕГЕН ЖУМБАҚЛАР
Алдынғы бөлимге қайтыў: МИЙЎЕШИЛИККЕ БАЙЛАНЫСЛЫ ЖУМБАҚЛАР
Китап Мазмунына қайтыў

Социал тармақларда бөлисиў

Егер сиз бул китаптың усы бөлимин унатқан болсаңыз, бул бетти төмендеги социал тармақлар арқалы досларыңыз бенен бөлисиўди умытпаң:

Қәте болған текст:
Дурысланғаны:
    Дурысланған текст серверге жиберилмекте...
Өзгерисиңиз қабыл етилди. Үлес қосқаныңыз ушын рахмет!
Кеширерсиз, серверде қандайдыр қәте жүз берди. Азмастан, және бир урынып көриң.